CEBU, Philippines - Kulbahinam nga aksiyon sa volleyball ang masaksihan sa mga Sugbuanong fans dihang ang Ateneo Lady Eagles mopakita’g gilas batok sa Philippine Army Troopers sa “Champion’s Tour” karong Domingo diha sa University of San Carlos (USC) main gym.
Ang delegasyon sa reigning UAAP champion team Ateneo Lady Eagles ni Thai coach Anusorn Bundit gilangkuban nilang Alyssa Valdez, Dennis Lazaro, Ella de Jesus, Kassandra Guequillana, Julia Morado, Beatriz de Leon, Michelle Morente, Ana Gopico, Amy Ahomiro, Jamie Lavitoria, Margarita Tejada, Mae Tajima, Gizelle Tan, Madelaine Madayag, Karen Derder, Therese Gaston, Mhyla Villanueva, Aeriel Patnongon ug Jhoanna Maraginot.
Samtang ang habig sa Philippine Army Lady Troopers pangulohan nilang sergeants Rico de Guzman, Emilio Reyes Jr., Melody Gutierrez ug Teresa Iratay uban nilang Patricia Torre, Mayette ug Michelle Carolino, Cristina Salak, Joanne Bunag, Mary Jean Balse, Dahlia Cruz, Jovelyn Gonzaga, Angela Nunag, Nerisa Bautista, Rachel Ann Daquis Abegail Praca, Tin Agno, Jane Gonzales, Paola Tomas ug Genie Sabas.
Ang Army Lady Troopers lab-as pa gikan sa ilang kadaugan sa Shakey’s V-League Open. (BANAT NEWS)