CEBU, Philippines- Gikan sa 10 ka teams sa miaging season duha na ka buwan ang milabay, misaka ngadto sa 12 ka teams ang musalmot karon sa 3rd BOC-CIPU season nga sugdan ugma sa alas siete sa gabii didto sa barangay Tinago gym, ning dakbayan.
Timailhan kini nga nag-anam kadaghan ang mga sakop sa BOC-CIPU ug sa labing unang higayon, duha ka teams ang gisumitir sa Bureau of Customs samtang dunay usa ka bag-ong team ug dunay usa ka guest team.
Ang 12 ka mga teams mao ang defending champion MJDL Brokers nga karon ilhon na nga Marty Pimentel Customs Brokers, runner-up Ynah Brokers nilang Edwin Carmen ug Jeff Garcia, 3rd placer Petracorta-Rollay nilang teams owners Melchor Petracorta ug Rolly dela Pieza, Alin Customs Brokerage ni Israel Alin, Customs Portmen (ESS) ni Customs Police ug tournament director Boodie Monteno, Customs Task Force nilang Customs Police Jan Mose ug Don Dejaresco, Avenido-Jovita Customs Brokerage nilang Irlito Avenido ug Alfred Jovita, Global Carriers nilang Erwin Diaz ug Tejero Barangay Councilor Duke Espina, McNels Shipping ni JR Tandas, Lao Customs Brokerage ni Elizer Lao, CEI Brokers ni Wiljun "Sugar" Camay ug guest team MCWD ni Jude Godin.
Misamot karon ka lig-on ang Pimentel Brokers ni coach Caleb Gawangon tungod kay moduwa ang anak ni Marty nga si Nikki kinsa usa ka maayong outside shooter.
Unang magsangka ugma mao ang Customs Portmen-ESS batok sa Customs Task Force samtang hulboton pa didto sulod sa Tinago gym.
Ang mga duwa sa BOC-CIPU himoon matag adlaw'ng Martes, Miyerkules ug Huwebes. (GGM) (BANAT NEWS)