CEBU, Philippines - Ang bangis nga Wipro Tigers walay kukaluoy nga milubong sa Sykes Pioneers, 68-48 sa 10th CSCC E-League basketball niadtong Sabado diha sa Cebu Sports Center-Cebu gym sa Cebu Business Park.
Nagkumboya’g 31 puntos sila si Franz Martinez ug Samson Miguel Mansalay alang sa Tigers nga nagtangag og 6-3 nga baraha, samtang si Raymond Basañez mipabuto’g 22 alang sa napildeng Pioneers nga adunay 3-4 win-loss record.
Sa laing duwa, ang 1&1 Marauders midaog batok sa Teleperformance Kings, 72-63 ubos sa pagpangulo ni Marco Antonio Real, kinsa mipatuasik og 19 puntos.
Si Gerald Bien Galarido mao sab ang nangu sa Kings pinaagi sa iyang 11 puntos.
Ang 1&1 nagbitbit karon og 3-5 nga baraha, samtang ang Teleperformance adunay 2-6 record. (BANAT PALARO)