CEBU, Philippines - Gibingat pa sa Convergys 2 Blue Devils ang way buling nilang rekord ngadto sa walo ka daog sa 10th CSCC E-League basketball tournament niadtong Domingo diha sa City Sports Club-Cebu gym sa Cebu Business Park.
Ang Convergys 2 nakaipsot gyud batok sa Wipro Tigers, 64-49 nga maoy labing kutas nila nga duwa sa kasamtangan.
Gibiyaan og singko puntos ang Convergys 2, 45-50 paghuman sa third quarter, apan ang ilang kakugi ug mga panlimbasog sa hinapos nga bahin sa final period maoy nahimong hagdanan aron makab-ot ang kadaugan.
Si Lourenz Limpangog mipabuhagay og 17 puntos, samtang si Sherwin Anghay mitimbre’g 13 puntos aron pangulohan ang Convergys 2.
Mihimo’g double-double si Franz Martinez pinaagi sa iyang 15 puntos ug 12 ka rebounds aron mao sab ang mangulo sa Wipro, kinsa nakatilaw sa ilang ikatulong pilde sa walo ka duwa.