CEBU, Philippines - Mikulit og daog ang Team T. Padilla ug Team Alcover sa pagsugod sa Christian Athletic Volunteers (CAV) Invitational Women’s Volleyball Tournament sa miaging gabii diha sa Tejero Sports Complex.
Ang Team Alcover sa Sambag 1 midaog batok sa Tejero Volleyball Club sud sa tulo ka sets, 27-24, 23-25, 25-20, samtang ang T. Padilla miiskor og yano nga kadaugan batok sa Kasambagan Gilas, 25-21, 25-14.
Lain pang koponan nga mangahas pag-ilog sa korona mao ang Team Harry sa Villagonzalo II, Villagonzalo I Team ug Bob Hughes Christian Academy.
Ang mga duwa himuon matag Martes ug Huwebes. (BANAT NEWS)