CEBU, Philippines - Mga pambato sa Sugbu nga silang Eduard ‘Raffy’ So ug Frederic Albert Yuan Chiongbian mipahiluna sa ikaduha ug ikatulong dapit sa Singapore International triathlon kagahapon.
Biya lang og dos segundos si So ngadto ni Aaron Shane Tan, kinsa maoy misakmit sa gold medal uban sa oras nga 34 minutos ug 26 segundos sa boys’ 14-15 class. Si Chiongbian mi-oras og 34:31.
Sa laing bahin, ang mga Sugbuanang triathletes milahutay sab sa ilang dibisyon diin si Shaia Ruth Uy, Aliyah Ricci Mataragnon ug Mercy Issa Priagula mi-okupar sa ikaupat hangtod sa ikaunom nga dapit sa 26 ka finishers.
Si Uy milabang sa finish line sa oras nga 38:18 sunod ni Zoe Natasha Bowden nga mioras og 35:05. Si Mataragnon mitamak sa finish sa oras nga 38:39, samtang si Priagula adunay 38:51 nga oras.
Ang manghod ni Shaia Ruth nga si Syrah Ruth midaog sa kids’ 10-11 action uban ang oras nga 22:44. (BANAT NEWS)