CEBU, Philippines- Gibuksan na sa miaging adlaw ang 1st Private School Developmental League didto sa Philippine Christian Gospel School gym.
Ang organizers nga sila si Marlove Alquizar ug Marc Cabacaba, league chairman, nagkanayon nga ang maong liga gimugna alang sa mga koponan gikan sa mga private schools nga walay apil sa CESAFI.
Miabot sa 20 ka tunghaan ang mag-ilog sa kampiyonato ug naglakip sa Adonai Asian Academy, Cebu Cherish School, CIE, Colegio de la Inmaculada Conception-Mandaue ug main campus, Living Word Christian Learning Center, Mandaue Ebenezer Alliance Academy, Mandaue Christian School ug Maria Montessori International School,
Moduwa sab ang Marine Childhood Education Center, Mount Olives Christian Academy, Nissi Academy, Paref Springdale School for Boys, Philippine Christian Gospel School, Sacred Heart School-Hijas de Jesus, San Isidro Parish School, St. Joseph Academy, St. Louise College of Cebu, St. Paul Learning Center ug Three H Childhood Academy.
Gawas sa basketbol, 14 ka koponan usab ang magtigi sa volleyball.
Ang mga coaches sa maong koponan naglaum nga pinaagi sa PSDL, mabaid ang abilidad sa ilang mga atleta alang sa dagku pang mga torneyo. (BANAT NEWS)