CEBU, Philippines - Ang Philippine Christian Gospel School maoy morepresentar sa nasud alang sa men’s 15-under competition sa Asia Pacific Tchoukball Youth Competition (APTYC) nga ipahigayun sa Singapore karong Agosto 22.
Ang PCGS laraw nga muhatag og dungog sa nasud human usab sila naghari sa Philippine open sa usa ka no age bracket tournament.
“We first tested the water last April. The kids competed in Manila for Philippine open with no age bracket and luckily we bagged down the first runner up. The development was nice and we know we will be competitive,” matud pa ni Pastor Art Ona, head coach sa PCGS.
Ang Tchoukball unang nauso dinhi sa Pilipinas niadtong tuig 2010 ug ang PCGS lang ang bugtong tunghaan nga miduwa sa maong sports didto sa Cebu.
Gawas sa Manila, ang maong sports hinay-hinay na nga misikat didto sa Davao ug Bacolod ug naglaum si Ona nga musunod usab niini ang Cebu.
Ang PCGS makigsangka sa ubang elite teams gikan sa Asya ug gawas sa titulo, ang koponan tinguha nga mudaog aron usab mosikat ang tchoukball dinhi sa Sugbo. (BANAT PALARO)