CEBU, Philippines - Bag-o pa lang gani natukod ang Cebu Darters Federation-Cebu Niños, apan mihakot na kini og daghang dungog sa gipahigayong Governor Roger Mercado Cup didto sa Maasin City.
Ang beteranong si Jomar Amerol maoy nangu sa Cebu Niños human midaog og titulo sa senior's category pinaagi sa pagpilde sa iyang teammate nga si Reyden Colina.
Sila si Amerol ug Colina uban nilang Jerome Perales ug Rodmar Branzuela mipahiluna sa ikatulong dapit sa four-man team competition.
Gawas pa niana, sila si Amerol ug Colina nalakip sab sa Top 8 sa doubles action. (BANAT NEWS)