CEBU, Philippines - Gitakda karong Hunyo 29 ang ikawalong edisyon sa European Chamber of Commerce of the Philippines (ECCP) Football Cup-Cebu diha sa Don Bosco Technological Center sa Punta Princesa, ning siyudad.
Ning edisyona, ilakip ang men ug ladies open, hinuon usa kini ka inter-company event.
Matag kompaniya nga gidapit sa torneyo makapaduwa og labing menos pito ka players ug labing daghan 15 ka magduduwa.
Ang matag magduduwa kinahanglan nakatrabaho og labing menos tulo ka bulan sa wala pa ang aktuwal nga duwa hinuon, ang mga anak sa CEO ug board members sa kompaniya nga nagpangedaron og 15-anyos mahimong mosalmot.
Matag kompaniya mahimo sab nga mopaduwa og labing daghan duha ka teams matag dibisyon.
Alang sa dugang mga detalye ug kasayoran, kontaka lang si Karen Pintac sa (032) 412-1194 o pinaagi sa karen.pintac@eccp.com o ni Kim Fernando sa (032) 23-3389 o pinaagi sa kim.fernando@eccp.com. (BANAT PALARO)