CEBU, Philippines - Mihimo'g impresibong "debut" ang MGM Sounds sa Brgy. Lorega San Miguel sa Christian Athletic Volunteers (CAV) Basketball Invitational Tournament dihang ilang gisakmit ang kampiyonato pinaagi sa 83-58 nga kadaugan batok sa Team Dexienne sa miaging gabii didto sa Tejero Sports Complex.
Ang Team MGM nila ni councilors Mark Manal ug Rolando Comeros mikontrolar sa tibuok duwa gamit ilang teamwork ug balansing opensa.
Sila si Jhune Compra ug James Ferraren maoy nangulo sa MGM nga nagkumboya og 34 puntos, samtang si Matthew Oche mao sab ang nangu sa Team Dexienne sa iyang 15 puntos.
Gawas sa championship trophy, ang MGM mibulsa sab og P20,000 nga ganting salapi, samtang ang Dexienne nidawat og P10,000 isip runner-up sa ikaunom nga season sa maong torneyo.
Ang usa ka buwan nga torneyo gisuportahan nila ni Cebu City Rep. Raul del Mar, Cebu City councilor Margot Osmeña, Franklyn Ong of Barangay Kasambagan, MGM Sounds, The Risen Saviour Bible Baptist Church-Tejero, HIM Cooperative Clinic ug Tejero Barangay Officials sa pagpangulo ni Brgy.Captain Jing Cadungog.
PUNTOS MATAG USA
MGM (83) – Compra 18, Ferraren 16, Mariano 9 , Palang 8 ,Montemayor 6, Santamaria 5, K.Cabrera 5, Bontuyan 4, M.Cabrebra 4, A.Manal 2, Ferran 2.
Team Dexienne (58) – Oche 15, Romaguerra 14, Licanda 9, Sampelo 5, Viagedor 3, Jabonete 2, Dave Dayon 2, Dexter Dayon 2, Eric Viagedor 2, Pette Viagedor 2, Brigoli 2.