Gikompirmar ni Ramon 'El Presidente'
CEBU, Philippines - Fernandez, usa sa labing maayong basketbolista sa tibuok nasud sa iyang panahon, nga moduwa siya alang sa Cebu PBA Legends sa "Shoot for your Dreams" basketball exhibition game karong Hunyo 26 diha sa Cebu Coliseum.
Si Fernandez, kinsa sakop sa PBA 25 Greatest Players, midaog og upat ka MVP awards sa iyang 20 ka tuig nga PBA career.
Gawas ni Fernandez, moduwa sab ang kanhi University of the Visayas (UV) Green Lancers nga si Bonel Balingit. Upat lang ka Cebu PBA Legends ang moduwa nga naglakip nilang Felix 'Donbel' Belano sa UV ug Junthy Valenzuela sa University of San Carlos (USC) Warriors.
Ang Cebu-based PBA Legends langkuban sa pipila ka mga players sa University of Cebu (UC) Webmasters ug sa Technical Education and Skills Development Authority (TESDA) Specialists nga maoy organizer sa maong exhibition game.
Ang Manila PBA Legends nga moduwa mao silang Jerry Codiñera, Marlou Aquino, Kenneth Duremdes, Rodney Santos, Bal David ug Bobby Jose. Dili makaduwa si four-time MVP Alvin Patrimonio kay dili siya makabiya sa iyang trabaho isip team manager sa San Mig Coffee Mixers
Moduwa uban sa Manila Legends mao ang local media gikan sa nagkalain-laing outlets.