CEBU, Philippines - Mirehistro sa ilang ikatulong sunod-sunod nga kadaugan ang Alaska Aces human nila gipanitan ang Barako Bull Energy Cola, 90-87, kagahapon sa PBA Governors’ Cup kagahapon didto sa Smart Araneta Coliseum.
Sa pamasin nga mapakusug pa ilang kahigayunan alang sa playoffs, ang Barako Bull init nga misugud sa duwa diin mitukod sila og onse puntos nga labaw sa first half, 49-38. Nangulo sa atake sa Barako mao si Mick Pennisi kinsa mipatusak og mga tres, samtang si import Allen Durham miposa og otso puntos.
Hinuon, ang Alaska nga namasin pa nga makasud sa top four sa standing kalit lang mihimog og rally diin natabla nila ang iskor paingun sa final period, 60-all.
Ang kanhi NBA cager nga si Bill Walker nanginit usab sa final period uban nila ni Cyrus Baguio ug JV Casio aron ihatag ang 13 puntos nga labaw sa Alaska, 88-75 sa katapusang 1:21 sa duwa.
Nagsilbeng yawi sa kadaugan sa Alaska mao ang 20 puntos ni JV Casio nga maoy mi-angkla sa opensa sa Aces.
Ang Alaska mipalambo sa ilang record 5-4, samtang ang Barako Bull natagak sa 3-6 record. (BANAT PALARO)