CEBU, Philippines - Nabugto ang nagkadinang daog sa Team Cebu apan wala kini mahimong babag sa ilang pag-abante sa 2014 Coca Cola PBA Youngstars National Finals didto sa Manila.
Ang Cebu miyukbo ngadto sa Batangas sa iskor nga 56-67.
Naglabaw ang Batangas og labing menos 15 puntos sa tunga-tungang bahin sa second quarter, apan mi-rally ang Cebu aron
sapsapan ang labaw ngadto na lang sa siyete puntos.
Nakatabla pa ang Cebu, 36-all sa nahabiling tres minutos sa third period. Hinuon, daling nakarekober ang Batangas ug
miabante kini og nuybe puntos paghuman sa maong kuwarter.
Silang Raprap Chavez ug VJ Alarcon nagkumboya og 58 puntos alang sa Batangas.
Ang kadaugan sa Pampanga ug sa Valenzuela batok sa Cagayan de Oro ug Manila nahimong walay epekto tungod sa kadaugan
sa Batangas batok sa Cebu.
Ang Cebu ug Batangas mao gihapon ang magtigi alang sa titulo. (BANAT NEWS)
PUNTOS MATAG USA
Unang duwa:
PAMPANGA (66) – Tolentino 17, Lapena 11, Carmona 10, Lumba 10, F. David 7, Nicdao 3, Bondoc 2, I. David 2, Mallari 2,
Pangilinan 2.
CAGAYAN DE ORO (52) – Tinagaran 15, Dagok 14, Palabrica 10, Espiritu 9, Maybuena 2, Real 2.
Ikaduhang duwa:
BATANGAS (67) – Chavez 32, Alarcon 26, Oliva 9.
CEBU (56) – Flores 17, Cahigas 12, Wamar 10, Zenarosa 8, Canoy 2, Dado 2, Maglasang 2, Padilla 2, Alforque 1.
Ikatulong duwa:
VALENZUELA (61) – Lacap 23, Garcia 11, Ramos 11, I. Gabriel 4, Velvez 4, Cabigao 3, D. Gabriel 3, Cruz 2.
KABAKA MANILA (55) – Andaya 14, Mendoza 12, Darang 11, Prodigo 10, Santos 4, Canlas 2, Quiambao 2.