CEBU, Philippines - Naghangad ang Southwestern University (SWU) Cobras sa abilidad ni Landry Sanjo ug ingon man sa ilang hugot nga depensa maoy ilang dakung alas pagdiga og daog batok sa University of San Carlos (USC) Warriors, 79-56 pagsikad sa Cebu leg sa FilOil Flying V. Hanes Premier Cup niadtong Miyerkules sa gabii didto sa Mandaue City Cultural and Sports Complex.
Si Sanjo mihimo'g double-double pinaagi sa iyang 27 puntos ug 10 ka rebounds aron pangulohan ang Cobras pagtukob sa ilang ikatulong sunod-sunod nga daog.
Sa first period pa lang, si Sanjo nakatigum na og 11 puntos alang sa Cobras, kinsa wala na molingi pa sa Warriors human moposte'g 23-6 nga bentaha sa second quarter. Miburot pa ang labaw ngadto na sa 39-23 sa halftime. (BANAT PALARO)