CEBU, Philippines - Naluto na ang tanan alang sa pagpahigayon sa Mayor Rama Chess Cup 2014 nga gikatakda karong Mayo 30-31 diha sa The Event Centre sa SM City-Cebu.
Mokabat ngadto sa P76,000 nga ganting salapi ang gitagana alang sa top performers sa duha ka adlaw nga torneyo nga seguradong hugopan sa mga veterans, top-rated ug ingon man sa umaabot nga chess players.
Gipasiugdahan sa Cebu City Government sa abag sa Cebu Executives and Professionals Chess Association (CEPCA) ubos sa liderato ni Engr. Jerry Maratas, ang chess festival mohatag og P15,000 paycheck ngadto sa mogawas nga kampiyon.
Ang second placer makadawat og P10,000, ang third mobulsa'g P7,000 ug ang fourth placer makaangkon og P5,000, samtang ang fifth finisher makadawat og P3,000.
Kadtong masulod sa top 10 segurado nang makadawat og P1,500 matag usa, samtang ang 11th hangtod sa 20th hatagan og P1,000.
Makadawat sab og consolation prize nga P500 matag usa ang makahig sa top 30.
Ang top three finishers sa senior, junior, Cepcan ug female category parehong makadawat og P1,500, P1000 ug P500, samtang ang top three finishers sa kiddie ug lady players hatagan og P1,000, P700 ug P500.
Ang registration fee sa maong torneyo nagkantidad og P300 sa open category, P250 sa seniors ug P150 sa kiddies ug ladies.
Alang sa dugang mga kasayoran, kontaka lang si Engr. Jerry Maratas sa 0932-8744805, Jun Olis sa 0923-2629642, Boy Pestaño, 0929-5684458 o di ba ni FIDE arbiter Marvin Ruelan sa 0926-7352951. (BANAT PALARO)