CEBU, Philippines - Gisubhan og daog ang Cebu team batok sa host Iloilo, 68-58 sa Coca Cola PBA Youngstars Visayas Regional Finals didto sa Ateneo de Iloilo Gym.
Sayong nanginit ang Cebu, kinsa mihimo'g 7-0 sa first quarter, apan mihiyos kini paghuman sa maong kuwarter, 14-12.
Nainat pagbalik ang labaw ngadto sa 14 puntos, 26-12 human nila pabuthi'g 12-0 nga bomba ang Iloilo. Gitapos sa Cebu ang first half sa iskor nga 34-28.
Misikit ang Iloilo sa third period dihang nangigo sila gikan sa three-point arc, 43-46, apan kalit nga nagmangtas ang Cebu sa katapusang kuwarter diin mipabuto sila'g 22 puntos aron maangkon ang 10 puntos nga kadaugan.
Ang Cebu gipangulohan ni Theo Flores sa iyang 19 puntos, samtang si Jorel Federick Narido mao usab ang nangulo sa Iloilo pinaagi sa iyang 27 puntos.
PUNTOS MATAG USA
CEBU (68) – Flores- 19, Wamar 18, Cahigas 9, Igot 8, Dumandan 7, Canoy 4, Zenarosa 3.
ILOILO (58) – Narido-27, Ong 15, Diaz RJ 11, Gabriel 3, Diaz F 2.