CEBU, Philippines - Nakuha sa managsuong Mark ug Clifton 'Tonton' Paray ang unang duha ka dapit sa premier open class sa first leg sa 2014 Kartzone Autocross Solo Series niadtong weekend didto sa Kartzone Racing Circuit sa barangay Kasambagan, ning siyudad
Ang managsuong Paray mao sab ang nanghawod sa ubang mga kategoriya. Si Tonton nidominar sa Superstreet Light and Modified Light Novice categories, samtang si Mark mao sab ang nanghawod sa Modified Heavy category.
Lain pang nanghawod sa tagsa-tagsa ka kategoriya mao si Kenneth Migrino (Streetlight, Street Heavy and Superstreet Heavy), Dan Savino (Modified Heavy Novice) ug Jess Garcia (Modified Light Expert). (BANAT NEWS)