CEBU, Philippines - Nagmadaugon ang lima ka Filipino Mixed Martial Arts (MMA) fighters batok sa tagsa-tagsa nilang mga sangka sa ONE Fighting Championship card sa miaging gabii didto sa SM Mall of Asia Arena.
Nangulo sa kalampusan sa mga Pinoy mao ang kanhi Filipina world boxing champion nga si Ana 'Hurricane' Julaton, kinsa milampos sa iyang MMA debut human niya kulataha sa third round ang Egyptian kickboxer nga si Aya Saber.
Laing Pinay fighter nga si Jujeath Nagaowa midaog usab pinaagi sa second round TKO batok ni Jeet Toshi sa India.
Tulo ka Pinoy warriors mihatag sab og dungog sa nasud dihang ang Sugbuanong si Eugene Toquero midaog pinaagi sa unanimous decision batok ni Malaysian prospect Gianni Subba.
Midaog usab sa puntos si veteran Rey Docyogen batok ni Joshua Alvarez ug ang giilang "Manny Pacquiao of MMA" nga si Eduard Folayang mihimo'g impresibong performance batok sa kanhi world champion nga si Kotetsu Boku aron mokulit og unanimous decision nga kadaugan. (BANAT NEWS)