CEBU, Philippines - Gidominar na sab nilang Lorhiz Echavez-Lopez ug Kristiane Lim ang ilang tagsa-tagsa ka dibisyon sa Cebu Team Triathlon Championship Series sa miaging adlaw didto sa Sta. Fe, Bantayan Island.
Si Lim maoy labing paspas sa men's open diin iyang gitapos ang lumba sa oras nga 2:05.31. Sila si Emmanuel Comendador ug Sherwin Managil mi-okupar sa ikaduha ug ikatulo nga dapit.
Sa pikas bahin, si Echavez-Lopez mibitbit og korona human niya gitapos ang lumba sa oras nga 2:21.12, samtang si Hannah Galo (2:48:43) mitapos sa ikaduha, samtang si Meg Stevens (2:49:47) nalandig sa ikatulo. (BANAT NEWS)