CEBU, Philippines - Ang garbo sa Sugbu nga si Jon Eleazar Adlawan mopakita sa iyang abilidad gawas sa nasud sa first leg sa FIM Asian Motocross Championship karong Abril 10-13 didto sa Kuala Terengganu sa Malaysia.
Dili kini ang unang higayon ni Adlawan nga molumba gawas sa nasud, apan ning higayona misaad siya nga ihatag ang tanan
aron makakuha'g positibong resulta.
"Gusto ko ma-improve ako performance kay layo ra ko sa ranking last year. Sige ko og apil og mga lumba ug hope ko nga
makatabang ni nako," matud pa ni Adlawan kinsa misalmot sa Indonesian leg sa FIM Championship sa miaging tuig.
Gawas sa pag-train didto sa Denmark, si Adlawan misalig sa iyang preparasyon tungod sa kanunay niya nga pagsalmot og mga
motocross race sa nasud sama sa Man and Machine supercross series.
Si Adlawan kinsa pambato sa nasud sa 150cc class, ubanan sa mga elite Pinoy riders gikan sa Luzon nga si Kenneth San
Andres. (BANAT NEWS)