CEBU, Philippines - Giharos ni Tony Cabibil ang lima niya ka duwa aron maghari sa March edition sa Cebu Executives and Professionals Chess Association (CEPCA) Monthly Tournament niadtong Domingo didto sa Handura Pizza sa Gorordo Avenue, ning siyudad.
Napuhalan ni Cabibil ang katakus nilang CEPCA President Jerry Maratas, Tony Barade, Romy Pialan ug Rey Flores sa wala pa niya maparot si Rosendo Yamyamin sa finals.
Gumikan sa iyang kadaugan, si Cabibil miabante na sa grand finals nga gikatakda karong Disyembre.
Sila si Flores, Yamyamin ug ang grand champion sa miaging tuig nga si Jimmy Ty nagtabla sa ilang 4-0 points, apan si Flores maoy miangkon sa ikaduhang dapit pinaagi sa higher tie-break output. Si Mike Banibane maoy mikompleto sa top 5 winners sa iyang 3.5 puntos. (BANAT NEWS)