CEBU, Philippines - Usa ang Sugbuanong bantamweight champion nga si Cary 'The Prince' Bullos sa mga fighters lukop kalibutan ang gipapirma og kontrata sa ONE Fighting Championship (ONE FC).
Ang labing dakung Mixed Martial Arts (MMA) organization sa Asya nanguha og mga bag-ong fighters aron mapalig-on pa ang line-up sa mga fighters sa ilang mga torneyo.
Uban ni Bullos nga mipirma'g exclusive contract sa ONE FC mao sila si Chi Lewis Parry sa Britain, Ji Xian sa China, Igor Subora sa Ukraine ug si Yohan Mulia Legowo sa Indonesia.
Ang maong mga fighters gipaabot nga mohimo sa tagsa-tagsa nila ka mga ONE FC debut karong tuiga.
Si Bullos, ang reigning URCC bantamweight champion, usa sa mga elite MMA fighter sa nasud. Nagsugod siya sa MMA sa 2006 diin midaog og pito sa walo niya ka mga professional fights.
Si Bullos usa sa giatngan nga Pinoy fighters tungod sa hait niini nga estilo sa striking ug ground game. (BANAT PALARO)