CEBU, Philippines - Mipaarak og 24 puntos si Jeff Chan sa second half aron giyahan ang Rain or Shine Elasto Painters ngadto sa 92-78 nga kadaugan batok sa Alaska Aces sa PBA Commissioner's Cup kagahapon didto sa Smart Araneta Coliseum. Una kadtong daog sa Elasto Painters human sila mapilde sa ilang opener batok sa Barako Bull Energy Cola sa miaging semana, samtang ang Aces nahagba sa 1-3 win-loss record.
Naglabaw lang og uno punto ang Rain or Shine human sa first period, 18-17, apan mibanat og maayo sila si Paul Lee ug Raymond Almazan aron inaton ang labaw sa 11 puntos, 35-26 sa nahabiling dos minutos sa first half.
Misikit ang Alaska sa sayong bahin sa final period human sa rally nga gipangulohan nilang Cyrus Baguio ug Rob Dozier, 68-72, apan kadto ra ang katapusang higayon nga makaduol kay si Chan nagpatuasik sa iyang mga 3-pointers.
Si Alex McLean miamot og 21 puntos sa Painters.
Bugtong si Dozier lang ang miiskor og double figures alang sa Aces pinaagi sa iyang 27 puntos.
PUNTOS MATAG USA
Rain or Shine (92) - Chan 24, McLean 19, Lee 11, Almazan 9, Tiu 9, Arana 8, Rodriguez 4, Cruz 3, Belga 2, Tang 2, Norwood 1.
Alaska (78) - Dozier 27, Jazul 9, Thoss 8, Hontiveros 7, Casio 5, Espinas 5, Abueva 5, Manuel 5, Baguio 5, Dela Cruz 2. (BANAT NEWS)