CEBU, Philippines - Padayonon karong adlawa ang extended nga Sunsport Basketball Training Camp diha sa Sacred Heart Center Sports Club sa dalan D. Jakosalem, ning siyudad.
Ang training camp molanat og duha ka oras matag sesyon gikan sa alas-12 sa udto hangtod sa alas-2 sa hapon.
Si camp director Jojo Romarate miingon nga ang mga partisipante bansayon sa tanang fundamentals sa maong matang sa sports sama sa proper shooting, dribbling, passing, footwork ug uban pang mga drills. Gawas pa niana, makat-on sab ang mga entrante sa offensive ug defensive strategies, on-court communication ug uban pang mga teknikal nga aspeto sa duwa.
Sa registration fee nga P1,000, ang mga partisipante makadawat og libreng training jersey ug Sunsport basketball.
Alang sa dugang mga kasayoran kalabot sa maong training camp, mahimong mokontak ni Romarate sa 0921-2338305 ug 0932-8475634 o di ba sa Sunsport office sa 345-1015/0917-3205769/0922-8377712.