CEBU, Philippines - Ang Cebu Darts League mopahigayon sa ilang 2014 edition karong adlawa diha sa Baseline Sports and Recreation Center.
Ang senemanang kompetisyon himuon matag adlaw'ng Biyernes.
Mga puntos ang madawat sa top performers sa singles competition.
Labing daku 30 puntos ang ihatag ngadto sa kampiyon, samtang ang second placer makadawat og 24 puntos, ang third makaangkon og 20 puntos ug ang fourth hatagan og 16 puntos. Mo-ukopar sa ikalima ug ikaunom nga dapit makabaton og 12 puntos, ang seventh ug eighth finishers makaangkon og otso puntos, samtang ang ninth hangtod sa 16th makaangkon og kuwatro puntos matag usa. Kadtong wala masakay sa top 16 hatagan og tag-uno punto matag usa.
Ang points system dili lang pagdeterminar sa labing consistent sa mga local darters, apan magsilbe usab kini nga basihanan paghagpat og mga magduduwa nga maoy morepresentar sa Sugbu sa "out-of-town" nga mga torneyo. (BANAT PALARO)