CEBU, Philippines - Gisawo sa Sugbu ang pag-host sa Private Schools Athletic Association (PRISAA) Regional Meet ning tuiga human miatras ang Bohol tungod kay padayon pa sila sa pagbangon gikan sa 7.2 magnitude nga linog nga mitay-og sa probinsiya niadtong Oktubre 15 sa miaging tuig.
"Bohol is supposed to host the PRISAA Meet but they could no longer carry out the task because they're still in the recovery process following the powerful earthquake that hit the province. And during our recent meeting with PRISAA-7 officials headed by our president Fr. Vic Uy, it was agreed upon that Cebu will take over the hosting job," matud pa ni National PRISAA Deputy Secretary-General for the Visayas Bernard C. Ricablanca.
Bisan dili na mo-host, ang Bohol mopadala gihapon og lig-ong 200-man contingent sa maong multi-sport conclave nga gikatakda karong Pebrero 15-16 diha sa Cebu City Sports Center (CCSC).
"I thought that Bohol won't also be competing that is why I was very happy to learn from Fr. Uy that they will be sending a huge number of athletes here," dugang pa ni Ricablanca.
"It's really a pleasant news, a good sign that after the calamity, they have already moved on as sports enthusiasts."
Si Ricablanca, kinsa mao sab ang Cebu City Sports Commissioner, miingon nga si Fr. Uy makigtagbo pag-usab sa mga sakop sa PRISAA Board ugma aron mahingpit ang tanan alang sa duha ka adlaw nga kompetisyon ilabi sa logistics ug financial aspect sa athletic meet.
Ang kalihukan magsilbeng selection process alang sa morepresentar sa rehiyon sa PRISAA National Collegiate Games sa Abril 6-12 didto sa Davao del Norte Sports and Tourism Complex sa Tagum City.
Matud ni Ricablanca nga naghinam-hinam na sila sa Nationals dili tungod kay ang Central Visayas maoy defending champion, apan tungod usab kay ang rehiyon gikatakdang modawat sa labing unang Dr. Emmanuel Angeles 'Hall of Fame' award tungod sa talagsaong nilang "grandslam" nga kadaugan.
Ang Central Visayas nidominar sa PRISAA National Championships sud sa tulo ka sunod-sunod nga mga katuigan gikan sa 2011 hangtod sa 2013 nga didto gipahigayon sa Zamboanga City, Cebu ug Lingayen sa Pangasinan.
Adunay 18 ka events ang tigian sa umaabot nga mga PRISAA kini naglakip sa baseball, basketball, beach volleyball, football, sepak takraw, softball, volleyball, athletics, badminton, boxing, chess, dancesport, judo, karatedo, lawn tennis, swimming, table tennis ug taekwondo. (BANAT NEWS)