CEBU, Philippines - Gipilde ni Jennalyn Camanso ang kanhi Cebu road running queen nga si Christy Sevillano-Tutor aron dominahon ang women's 5-kilometer race sa PNP Run for A Cause niadtong Domingo sa buntag didto sa PRO-7 grounds.
Ang proceeds sa maong charity event idonar ngadto sa mga pamilya nga apektohan sa bagyong Yolanda sa Leyte ug sa amihanang bahin sa Sugbu.
Gitapos ni Camanso sa dagan sud lang sa 22 minutos ug 25 segundos, samtang si Tutor milabang sa finish line sa oras nga 23:33.
Ang ultramarathoner nga si Jade Abellana mi-okupar sa ikatulo nga dapit sa oras nga 23:50, samtang si Regine Nacion (29:41) ug tennis standout Sheena Camporedondo (30:31) mipahiluna sa ikaupat ug ikalima nga dapit
Mikompleto sa top 10 sa women's open mao sila si Carmela Cataylo (31:17), Roselle Graciano (31:28), Avelina Ermac (31:49), Rowena Duropan (33:07) ug Annabelle Berondo (33:30).
Sa men's division, si Joel Detuya maoy miangkon sa unang dapit human niya gitapos ang lumba sud sa 21 minutos ug 13 segundos. Sila si Alcher Sanopao (21:14) ug Riche Bation (21:23) mi-okupar sa ikaduha ug ikatulo nga dapit.
Mokompleto sa top 10 finishers mao sila si Gener Bautista (21:28), Alfredo Son (21:48), Joel Damalo (21:51), Alfitche Mangaron (21:58), Kurt April Quijano (22:12), Joselito Castanares Jr. (22:16) ug Bryan Guillen (22:40).