CEBU, Philippines - Sama ra unya og dangatan si Russian champion Ruslan Provodnikov ni Mexican American Brandon Rios nga naputos sa bun-og batok ni Manny Pacquiao sa ilang sangka niadtong Nobiyembre didto sa Macau.
Kini ang panahom ni boxing trainer Vince Parra kinsa nagtuo nga haom ang istilo ni Provodnikov sa inawayan ni Pacquiao ug igo rang kulatahon sa Filipino ring icon ang kanhi niya sparmate nga si Provodnikov.
Si Provodnikov usa sa mga kusug nga pangan nga posibleng ikasangka ni Pacquiao karong Abril. Laing boksidor nga gitan-aw gawas ni Provodnikov mao si undefeated Tim Bradley.
Kun ugaling mahitabo ang Pacquiao-Provodnikov fight, nakita ni Parra nga sayun rang kulatahon ni Pacquiao si Provodnikov nga iyang gihulagway nga adunay huyang nga depensa.
“I don't give Ruslan too much of a chance on beating Manny Pacquiao,†matud pa ni Parra sa boxingboss.com. “Ruslan is a real tough guy; you know he's the Russian Rocky. But Pacquiao right now, that guy's style is tailor made for him.â€
Sa laing bahin, gipaabot nga masayran na karong semanaha ang pangan sa kontra ni Pacquiao nga mao usab ang gisaad ni Top Rank Inc. CEO Bob Arum.(BANAT PALARO)