CEBU, Philippines - Tungod sa hangyo sa kadaghanan, ang Sunsport Basketball Camp mopahigayon pag-usab sa ilang training karong Disyembre 7 diha sa Sacred Heart Center Sports Club sa dalan D. Jakosalem, ning siyudad.
Ang lima ka semanang clinic himuon matag adlaw'ng Sabado gikan sa alas-12 sa udto hangtod sa alas-2 sa hapon.
Gipasalig ni camp director Jojo Romarate nga mga partisipante makat-on gyud sa fundamental ug technical aspect sa maong matang sa paugnat sa kusog atol sa ilang training. Kini sama sa proper shooting, dribbling, passing, footwork ug uban pa.
Gawas sa basics sa basketball, ila sab itudlo ang ubang offensive ug defensive strategies, on-court communication ug ubang teknikal nga aspeto sa duwa.
Sa registration fee nga P1,000, ang mga partisipante makakuha og libreng training jersey ug Sunsport basketball 2013 edition.
Alang sa dugang mga kasayoran, mahimong mokontak ni Romarate sa 0921-2338305 or 0932-8475634 o sa Sunsport office sa 345-1015, 0917-3205769 ug 0922-8377712.