CEBU, Philippines - Ang kagamhanan sa dakbayan sa Mandaue misaad og suporta ngadto sa ilang mga atleta, kinsa midaog og medalya sa Batang Pinoy Visayas leg niadtong miaging buwan didto sa Maasin City.
Si Ricardo Mendoza, ang bag-ong director sa Mandaue City Sports Commission nagkanayon nga motabang sila pag-abaga sa gastuhon sa mga Mandauehanong atleta nga moduwa sa Batang Pinoy National finals sunod buwan didto sa Bacolod City.
"We are lucky and proud that our athletes delivered golds in the Visayas leg and we promise our full support for them to also succeed in the National finals," matud pa ni Mendoza.
Ang Team Mandaue mihakot og 35 ka medalya nga gibuak ngadto sa walo ka golds, 12 ka silvers ug 15 ka bronzes.
Nakakuha'g bulawan alang sa Mandaue mao sila si Jenelyn Espiritu sa arnis, Carl Bernard Bejasa ug James Villarante sa badminton doubles, John Niño Vega ug Ariel Sibay sa boxing, Mooney Fernandez sa karatedo ug sila si Johann Matthew Tubesa ug Jezreel Tan sa swimming. (BANAT PALARO)