CEBU, Philippines - Una kining higayon ni Casimero nga modepensa sa iyang bakus dinhi sa Pilipinas sa usa ka boxing event nga gipasiugdahan sa MP Promotions ni Filipino ring icon Manny Pacquiao.
Ang garbo sa Ormoc City nga si Casimero mosuway pagdaog sa ikatulo niyang sunod-sunod nga title defense.
Una niyang nadepensahan iyang bakus pinaagi sa split decision batok ni Mexican Pedro Guevara didto sa Sinaloa, Mexico sa
miaging tuig. Nasundan sa impresibo niyang unanimous decision nga kadaugan batok ni Luis Alberto Rios sa Panama didto sa Panama
City.
"Presyur gamay pero excited pud ko kay anhi ko moaway sa atong nasud," matud pa ni Casimero nga kasamtangang nag-
ensayo didto sa Omega Boxing Gym.
Ang 22-anyos nga si Casimero nahimong usa sa mga world title holder sa Pilipinas human sa iyang 10 round TKO batok ni Luis
Alberto Lazarte didto sa Argentina niadtong Pebrero 13 sa miaging tuig.
Si Casimero nakahuman na usab og dul-an 30 ka rounds sa sparring diin iyang gika-spar ang mga ALA Boxing Gym superstars
nga sila si Donnie Nietes, Milan Melindo ug Rocky Fuentes.
Kahinumduman, si Nietes midaog batok ni Salguero pinaagi sa "unanimous decision" niadtong Hunyo 2 didto sa Resorts World
Hotel sa Manila. (BANAT NEWS)