CEBU, Philippines - Gipakuratan sa Alin Brokers ang mas lig-on nga Limasawa-Rollway Brokers, 65-59 sa 1st BOC-CIPU Fellowship Cup basketball tournament didto sa USC-North Campus gym sa Gen. Maxilom Ave., ning siyudad.
Sa laing bahin, ang Customs Portmen mikulit sa una nilang daog human ilang gipilde ang PCB Brokers, 81-77 alang sa 1-4 nilang baraha.
Miposa og 23 puntos si Ryan Villomo aron pangulohan ang Alin Brokers ni team owner Israel Alin.
Sa sayo pa, si Joel Reyes maoy nangu sa 1-4 nga Customs Portmen sa iyang 18 puntos, samtang si kanhi UC skipper nga si Kenneth Kern Sesante miamot og 15 puntos ug si Ferdie Laraga mitampo'g 13 puntos..
Ang PCB nga wala pay daog sa lima ka duwa gipangulohan ni Rocky Lim, kinsa mibahog og 16 puntos, gisundan ni Yulo Arevalo nga adunay 14 puntos. (BANAT NEWS)
PUNTOS MATAG USA
Unang duwa:
Customs Portmen (81) - Reyes 20, Sesante 15, Laraga 3, Mose 9, Monteño 9, Rama 8, Cañete 7
PCB Brokers (77) - Lim 16, Arevalo 14, Pangan 12, Plando 11, Velasquez 10, Mompar 8, Inhambre 6
Ikaduhang duwa:
Alin Brokers (65) - Villomo 23. Barral 16, Alimoren 9, Herbito 8, Estorgio 5, Alin 4
Limasawa-Rollway (59) - Tarona 13, Palero 9, Villaronza 9, Moral 7, Dela Pieza 6, Sagario 5, Solidarios 4, Palad 2, Sagarino 2, N. Petracorta 2