CEBU, Philippines - Ang Barangay Biasong maoy hari sa labing unang Talisay City Mayor JVR’s Cup basketball inter-barangay tournament nga bag-o lang nahuman.
Gipilde sa Biasong ang karibal nga Cansojong pinaagi sa overtime sa iskor nga 110-102, kagahapon didto sa Talisay City Sports
Complex.
Si Christopher Obeso, kinsa maoy napiling MVP sa maong torneyo maoy mibaswat sa Biasong nga mikimada og 36 puntos.
Nangulo sa pilderong Cansojong mao si Lester Abastas, kinsa mipugnit og 28 puntos.
Sa sayo pa, ang Mohon naka-eskapo bitbit ang 107-105 nga kadaugan batok sa Dumlog aron makuha ang third place trophy.
Gawas ni Obeso, mikompleto sa "Mythical Five" sa maong torneyo mao sila si Abastas ug Jesse Aloro sa Cansojong,
Giovanni Tabay sa Mohon ug Jake Villaver sa Dumlog.
Puntos matag usa
Biasong (110) - C. Obeso 36, Dablo 20, Labrica 15, Bensig 15, N. Obeso 15, Abellana 7, Conde 2
Cansojong (102) - Abastas 28, Salgado 24, Aloro 24, Oca 14, Babanto 5, Indiana 4, Abapo 4, Torremucha 2 (BANAT NEWS)