CEBU, Philippines - Ang lungsod sa Consolacion mo-host og tulo ka sunod-sunod nga football tournaments nga uloha'g "Football Fiesta Caravan"
nga sugdan sa Oktubre 12 diha sa Sta. Lucia football fiel
Unang ipahigayon mao ang duha ka adlaw nga 9-a-side action sa Oktubre 12-13 nga adunay mga kategoriya alang sa boys and
girls 17-under, executive, 38-above, inter-company ug premiere men's and women's open.
Isunod sab dayon ang pagpahigayon sa 4th Engineers Fiesta Cup sa Oktubre 19-20.
Aduna kini duha ka format, ang 5-a-side alang sa mga magduduwa sa under 7, 9 ug 11 ug ang 7-a-side sa boys 13, 15 ug 18 ug
ingon man sa girls 15 ug 18, ladies, 38-above ug men's open.
Ang ikatulo nga kalihukan sa series mao ang 11-a-side friendly matches sa under boys 12, boys ug girls 17, boys 19, ladies
open, men's inter-company, inter-BPO, 38-above, men's open division A ug B.
Aron makonkreto ang tanan, ang organizers nga gipangulohan ni Engr. Nilo Ferraren mopatawag og coaches meeting sa
Oktubre 5 ug 9 sa alas-5 sa hapon didto sa SM City Consolacion's outdoor terrace foodcourt.
Alang sa registration ug dugang pa nga mga detalye sa maong kalihukan, mahimong mokontak ni Engr. Ferraren sa 0922-
8899443.
Ang torneyo nga gisabak sa Cebu Football Association (CFA), giabagan sa Pepsi, SM City Consolacion ug sa Sta. Lucia
Realty and Development. (BANAT NEWS)