CEBU, Philippines - Angay nga ipasigarbo sa Sugbuanon ang Cebu Marathon gumikan kay usa na kini ka internasyonal nga lumba
nga sanctioned sa Association of International Marathons and Distance Races (AIMS)
Gikatakda sa Enero 12, 2014 diha sa Cebu IT Park, kini ang unang marathon sa Sugbu nga adunay sertipiko
sa AIMS human ang tigpasiugda nga Cebu Executive Runners Club (CERC) mikuha ni RunRio isip bag-ong "handler" sa
maong kalihukan.
Ang long distance running guru ug RunRio top honcho nga Rio de la Cruz miingon nga ang Cebu Marathon
maoy ikatulong running event sa nasud nga accredited sa AIMS. Ang laing duha ang Manila leg sa Milo Marathon ug ang
national finals nga gitakda sa nanghinapos ning tuiga.
Ning maong kalamboan, ang runners mahimo na nga moapil sa Cebu Marathon isip usa ka qualifier alang sa
international championships sama sa Boston Marathon. Mahimo sab kining magamit isip "springboard" aron makakuha'g
luna sa Philippine Team alang sa SEA Games ug laing mga dagkung lumba gawas sa nasud sa umaabot.
Sa pagka karon, ang laing mga aspeto sa lumba nga naglakip sa ganting salapi, pagsugod sa registration ang
gihingpit pa sa organizers. (BANAT NEWS)