CEBU, Philippines - Yano kaayong mibugwak og daog ang Cebu Eastern College (CEC) Dragons pinaagi sa paglubong sa
University of Southern Philippines Foundation (USPF) Baby Panthers, 83-66 sa quarterfinals sa 13th Cebu Schools
Athletic Foundation Inc. (CESAFI) kagahapon didto sa USJR- Basak Campus gym.
Ning pagsuwat, padayon pang nagduwa ang host University of San Jose-Recoletos (USJ-R) Jaguars, kinsa
adunay "twice-to-beat" advantage batok sa Cebu Institute of Technology-University (CIT-U) Wildcats.
Ang Dragons milabaw og labing menos 23 puntos, 54-31 sa sayong bahin sa third period, apan hinay-hinay
kining gikitkit sa Baby Panthers.
Diriyot magubot ang duwa sa nahabiling 2:06 sa fourth period dihang nagkainitay silang Mark Vincent Berdera
ug James Villamor samtang nag-ilog sa bola. Tulo ka players sa Dragons nga silang Bob John Pagalan, Alfonso Alvizo ug
Arnold Magnaong ang kalit lang misulod sa korte hinungdan nga gitawgan sila'g technical.
Gihatagan og unom ka free throws ang Baby Panthers diin si Airam Sam Cantillas mipasud og lima sa unom
ka fee throws hinungdan misamot pagsikit ang Baby Panthers, 64-77 nga maoy labing duol nilang rally.
Nainat hinuon pagbalik ang labaw human sa back-to-back triples ni Richmond Bulibuli nga mao usab ang
nagselyado sa kadaugan. (BANAT NEWS)