Nadawat sa mga local sportswriters ang kopya sa tubag ni University of San Carlos (USC) Baby Warriors head coach Britt Carlo M. Reroma diin iyang giasoy ang tanan nganong nahitabo ang diyutay’ng kasikas. Medyo wala magsinabtanay ang USC team ug ang mga sakop sa screening committee sa Cebu Schools Athletic Foundation Inc. (CESAFI) ubos ni commissioner Felix O. Tiukinhoy Jr.
Matud ni Tiukinhoy dihang among gipangutana kun unsay iyang reaksyon, dali kaayo siyang mitubag nga ang board nay bahala kun unsa’y hukom nga ilang makab-ot ug igo na lang siyang motuman niini. Sa iyang personal nga kapasidad, wala dayon motubag si Tiukinhoy kun iya bang pasayluon si Britt.
Ang suwat pamahayag kon "letter of explanation" ni Reroma gipetsahan og Agosto 23, 2013 iyang gipadala ngadto kang CESAFI President Fr. Manuel L. Uy, S.J. diin ang maong suwat nagmando kang Reroma pagpatubag nganong dili siya angayan pahamtangan og silot alang sa iyang gibuhat nga matud pa usa ka "unethical conduct" isip coach.
Nagsugod ang kontrobersiya sa unang adlaw sa 13th season sa CESAFI niadtong Agosto 3 didto sa Cebu Coliseum diin gustong pasudlon ni coach Britt ang usa sa iyang pambato nga si Scott Aying, kinsa wala tugoti nga makaduwa karon nga season tungod kay kinahanglan pa siyang mopailawom ubos sa residency rule.
Matud pa ni Britt nga dihang gibadlong siya nga dili pasudlon ug gibauran pa gyud ni Tiukinhoy nga kun iyang pasudlon si Aying sa duwa batok sa UV Baby Lancers, iya ra gihapong ipa-forfeit ang resulta sa duwa.
Nangatarungan si Britt nga nasayod siya kalabot sa ineligibility ni Aying usa ka adlaw sa wala pa ang opening sa CESAFI (Agosto 2) ug ang maong impormasyon gihatod ni USC Warriors coach Julian Macoy didto sa USC-North Campus.
Tuyo gyud unta ni Reroma nga paduwaon si Aying tungod kay nagtuo siya nga paboran ang suwat nga gipadala ni USC Basic Education Director Fr. Felino B. Javines, SVD. Matud pa sa suwat nga kwalipikado nga moduwa si Aying kay gikan man siya sa San Beda nga dili sakop sa CESAFI. Ang suwat ni Fr. Javines gihatag ngadto kang Tiukinhoy.
Tuod man wala gyud makaduwa si Aying ug human sa 40 minutos, nakita dayon sa team ang epekto tungod kay napilde ang Baby Warriors sa Baby Lancers, 74-77.
Nagkanayon si Reroma nga iya lang gituman ang mando gikan sa tagdumala sa USC nga paduwaon si Aying tungod lagi kay mihatag na sila’g suwat ngadto sa screening committee.
Apan kinsa man sab ang modesisyon diha-diha dayon nga mao man sab ang pagsugod sa duwa ug ang tanang mga kontrobersiya kalabot sa CESAFI adto man tukion sa board meeting.
Tungod tingali kay nakasabot siya sa mahimong linugdangan kun iya pang gipugos pagpaduwa si Aying, miangkon si Reroma sa iyang nahimong sayop ug nangayo'g pasaylo ngadto sa secretariat ug misaad nga dili na mag-usab.
Matud pa gyud ni Reroma, dili niya tuyo nga makahatag og dautang imahe sa CESAFI ug daku kaayo siya'g respeto ni Tiukinhoy isip commissioner.
Nanghinaut si Reroma nga mosabot kaniya ang Commissioner’s Office ug mihangyo nga magpadayon gihapon siyang head coach sa USC Baby Warriors tungod kay sa sayo pa, dunay rekomendasyon si Tiukinhoy ngadto sa CESAFI board nga suspensuhon siya og usa ka tuig tungod sa iyang gibuhat.
Sa panapos sa iyang pamahayag, si Reroma miingon nga gusto sab niyang magmalampuson ang liga ug labaw nang naglantaw sab siya sa kaayohan sa CESAFI ug sa mga fans niini.
* * *
MISCELLANEOUS. The Frobel I-School and Learning Center has joined other schools in celebrating the Lingo ng Wika in which the culminating affair was held at the E-Mall Activity Center last Friday, August 30. The Nursery One-Horse that included my three-year old godson Renz Carl 'Cho-choi' Narvasa, who danced the "Itik-Itik" while his elder sister Dezza Karyl Narvasa, a Grade 2 pupil, danced the Subli. This corner takes pride in sending my belated birthday greetings to our very own Cebuana beauty queen none other than Alexis Rizzini Gomez, daughter of UC Webmasters head coach Roel Gomez who celebrated her birthday last August 29 at D’ Port Seafood Resto in Waterfront Hotel-Lahug. Ms. Gomez’ gallery of beauty titles include Miss Tourism International 2013. She was also the Mutya ng Pilipinas-Tourism 2012, the Reyna ng Aliwan 2010, Miss Cebu 2009 and Miss Mandaue 2008.