CEBU, Philippines - Nagkaduol ang University of San Carlos (USC) Baby Warriors sa ilang tinguha nga moabante sa ikaduhang puwesto human ilang gipanitan ang Don Bosco Technology (DBTC) Greywolves, 76-37 sa secondary match sa nagpadayong 13th Cebu Schools Athletic Foundation Inc. (CESAFI) didto sa USC gym sa dalan Sanciangko, ning dakbayan.
Sa laing duwa, gilubong sab sa University of Cebu (UC) Junior Webmasters ang gagmitoy nga University of
San Jose-Recoletos (USJ-R) Baby Jaguars sa iskor nga 77-51.
Apan bisan pa niana, maglisud lang gihapon sila pag-abante ngadto sa top four ug makabaton og "twice-to-
beat advantage" atol sa quarterfinal round.
Ning pagsuwat, ang USJ-R Jaguars ug ang USC Warriors parehong nagtinguha sa usa ka importanteng
kadaugan aron pormal silang makakuha’g "twice-to-beat advantage" sa seniors division.
Ang Jaguars nakigkumbati batok sa USPF Panthers, samtang ang Warriors nakigkumbati sa UC
Webmasters.
Si Paul Galinato miburak og 14 puntos aron pangulohan ang Baby Warriors, kinsa nagtabla na karon uban sa
Cebu Eastern College (CEC) Dragons sa managsamang 5-2 win-loss records.
Ang Greywolves nga pabiling nalansang sa kinailawman sa standing sa ilang 0-7 nga baraha gipangulohan
nilang Vince Ortega ug Steven del Campo sa ilang 11 ug 10 puntos matag usa.
Sa laing bahin, si Justin Dacalos miposa og 21 puntos alang sa UC Junior Webmasters nga nagbitbit og 2-5
nga baraha. Si Ramil Tumulak midugang og 12 puntos, samtang si Hanz Fernandez miamot og 11 puntos.
Ang Baby Jaguars, kinsa adunay 1-6 nga baraha, gipangulohan sa ilang tirador nga si Bryan Divinagracia nga
maoy bugtong nakakuha'g double figures pinaagi sa iyang 19 puntos. (BANAT NEWS)