CEBU, Philippines - Sugdan na ang 22nd edition sa Erne Jawad Memorial Table Tennis Championships karong adlawa diha sa Cebu City Sports Center (CCSC).
Kapin sa 100 ka tennis players ang gilaumang mosalmot ning labing karaan nga table tennis tournament dinhi sa Sugbu nga pagaapilan sa mga bag-ong tubo ug ingon man mga karaang mga magduduwa.
Daghang mga batan-on ang gilauman sa organizers nga gipangulohan ni Jessica Jawad-Honoridez nga mosalmot niini tungod sa paglakip sa elementary division. Ila kining gihimo aron hatagan ang aspiring players, ilabi na niadtong wala moapil sa Milo Little Olympics og
higayon sa pagladlad sa ilang mga talento.
Gawas sa elementary team event, ang lain pang kategoriya nga tigian mao ang boys and girls singles, men and women's open ug 18-under.