CEBU, Philippines - Gilaumang 2,000 ang mosalmot sa "Recoletos Run: Takbo Para sa Iskolar ni Jose" nga mosikad sa Septiyembre 8 diha sa Plaza Independencia.
Ang maong lumba nga gipasiugdahan sa Josenian Inc. usa ka Alumni association sa University of San Jose-Recoletos (USJ-R).
Usa kini ka fund-raising event alang sa mga less privileged college students sa maong unibersidad.
"We are aiming to help those students of USJ-R to pursue their goals of life and that is to finish their college education through our full scholarship from first year up to the final year of their chosen course," matud pa ni Josenian Inc. President Engineer Norberto Flores sa press conference kagahapon didto sa Baseline Restaurant and Recreation Center.
Ang lumba adunay tulo ka kategoriya -- 15k, 5k ug 3k fun run.
Ganting salapi ang madawat sa top three finishers sa 15k Open, samtang certificates ang madawat sa top three finishers sa 5K ug 3K runs.
Ang registration fee nagkantidad og P250 sa 3k, P300 sa 5k ug P500 sa 15k category. Mahimong magparehistro didto sa RUNNR sa Ayala Center-Cebu ug Josenians Office sa USJ-R main ug Basak campuses. (BANAT NEWS)