CEBU, Philippines - Buot mobangon ang University of the Visayas (UV) Green Lancers human kini masugamak niadtong Sabado
sa dihang ilang sangkaon ang University of Southern Philippines Foundation (USPF) Panthers sa collegiate match sa 13th
Cebu Schools Athletic Foundation Inc. (CESAFI) men's basketball karong gabii diha sa Cebu Coliseum.
Mga duwa karon
(Cebu Coliseum)
5:00 pm (juniors)
SHS-AdC vs. USJ-R
6:45 pm (seniors)
USPF vs. (UV)
Ang UV Lancers miyukbo ngadto sa defending champion Southwestern University (SWU) Cobras, 66-70
niadtong Sabado ug ilang gitugyan ang solong liderato ngadto sa ilang higpit nga karibal.
Gilauman hinuon nga mosumbalik dayon ang UV Lancers ug adto nila ipahungaw ang ilang kapungot ngadto sa
USPF Panthers, kinsa napilde dayon sa ilang debut game batok sa Cebu Institute of Technology-University (CIT-U)
Wildcats, 68-73 niadtong Agosto 15.
Gawas nga bentaha na daan sila sa mga local players, ang UV Lancers palig-onan sa ilang duha ka imports
nga silang Steve Cedrick Akomo ug Mike Harry Nzessue.
Sa laing bahin, ang SWU Cobras miukob sa University of Cebu (UC) Webmasters, 81-68 alang sa ikaupat
nilang sunod-sunod nga daog niadtong Martes sa gabii.
Bisan tuod gagmay ang UC Webmasters, nakahimo gihapon sila paglabaw sa first period apan naapsan kini ug
nagtabla sa halftime, 29-all.
Sikit gihapon ang duwa didto sa third period diin igo lang milabaw og singko puntos ang SWU Cobras sa
iskor nga 45-40. Didto na sa final period gisugda'g inat sa Cobras ang ilang labaw hangtod nahurot ang oras sa duwa.
Ang Cameroonian nga si Landry Sanjo maoy nangulo sa Cobras nga miiskor og 21 puntos, samtang duha niya
ka teammates ang mihimo sab og double digits.
PUNTOS MATAG USA
SWU (81) - Sanjo 21, Arong 17, Tallo 13, Sewe 9, Panerio 8, Bregondo 3, Mohammed 3, Ortega 3,
Goloran 2, Otida 1
UC (68) - Villanueva 16, Gomez 12, Espiritu 12, Asis 7, Miranda 6, Tabaquero 5, Auditor 5, Roche 5 (BANAT NEWS)