CEBU, Philippines - Gibirahan sa mga kadagkuan sa Barako Bull Energy Cola si Alaska Aces coach Luigi Trillo kinsa ilang gitawag nga hilabtanon human gisaway sa championship coach ang ilang koponan kabahin sa usa ka trade ngadto sa San Mig Coffee Mixers.
Nasayran nga si Trillo misaway sa mga kadagkuan sa Barako Bull human nila buhii si Allein Maliksi kinsa napunta ngadto sa San Mig bugti nila ni Chris Pacana ug Wesley Gonzales.
Gihulagway ni Trillo ang maong trade nga dili patas ug dili siya katuo og nganung mitugot ang Barako Bull nga himuong gatasan sa San Mig.
“Mind your own business.’Wag siyang makialam sa mga trade na ganito,†matud pa ni Barako Bull team manager Raffy Casyao sa Spin.ph.
Sa laing bahin, wala usab mabarugi ni Maliksi ang dakung ekspektasyon kaniya sa San Mig human igo lang siya mitampo og singko puntos sa 82-93, nga kapildehan sa Mixers sa mga kamot sa Air21 Express niadtong Sabado. (BANATSPORTS)