CEBU, Philippines - Nakatangag og daog ang University of San Jose-Recoletos (USJ-R) Jaguars human gipapas ang 12 puntos
nilang lubong batok sa University of Cebu (UC) Webmasters, 70-65 sa 13th Cebu Schools Athletic Foundation Inc.
(CESAFI) basketball event niadtong Martes sa gabii didto sa Cebu Coliseum.
Nabiyaan og 12 puntos ang Jaguars, 37-49 sa nahabiling 3:35 sa third period human sa three-pointer ni Jan
Michael Auditor, apan kalit lang silang nagmangtas ug mipabuhagay'g 12-2 run aron mosikit, 49-51 sa maong kuwarter.
Padayong nag-igo ang Jaguars sa final period ug didto hinay-hinay na nilang nakontrolar ang duwa.
Nakatabla ang Webmasters, 60-all sa katapusang 2:38 sa fourth quarter, apan si James Regalado miposa og
three-pointer aron inaton pagbalik sa Jaguars ang labaw, 63-60 ug nainat kini ngadto sa siyete puntos, 67-60 gikan sa
baskets ni rookie guard Rendell Senining ug Miguel Tabaloc.
Ang Jaguars nga nagtangag og 2-1 nga baraha, gipangulohan ni Regalado, kinsa miposa'g 18 puntos, samtang
silang Senining ug Tabaloc miamot og 15 ug 14 puntos matag usa.
Si Auditor miiskor og 20 puntos aron mahimong topscorer sa Webmasters.
PUNTOS MATAG USA
USJ-R (70) - Regalado 18, R. Senining 15, Tabaloc 14, C. Parker 6, C. Senining 5, Sanchez 4, M. Parker 4,
Lajato 3
UC (65) - Auditor 20, Espiritu 7, Sigasig 7, Gomez 6, Villanueva 6, Asis 6, Niones 5, Misa 3, Roche 3,
Miranda 1, Tabaquero 1 (BANAT NEWS)