CEBU, Philippines - Nahikay na ang tanan alang sa 22nd Erne Jawad Memorial Table Tennis Championships nga gikatakda sa
Agosto 31 ug Septiyembre 1 diha sa Cebu City Sports Center (CCSC).
Si event organizer Jessica Jawad-Honoridez naglaum nga modaghan pang mga magduduwa ang mosalmot
ning tinuig nga kompetisyon ilabi na sa pagdugang niya sa team event sa elementary level.
Ang duha ka adlaw nga kompetisyon naglatid sa men's ug women's 18-under ug open division.
Aduna kini registration fee nga P150 alang sa singles event diin ang unang 100 ka registrants ang makadawat
og souvenir shirt ug P800 matag team.
Sa pagka karon, ang Bohol ug Bacolod City nikompirmar na sa ilang partisipasyon ning labing karaan nga
table tennis tournament dinhi sa Sugbu. (BANAT NEWS)