CEBU, Philippines - Andam na ang tanan alang sa pagpahigayon sa ikaduhang edisyon sa Alcoy Siloy Football Tournament nga
gikatakda sa Agosto 25 didto sa Alcoy parish grounds.
Ang usa ka adlaw nga kompetisyon gibahin sa under-13 ug under-17 age groups categories diin moduwa kini
sa usa ka 7-a-side format.
Matag koponan tugtan nga moparada og labing menos 15 ka magduduwa.
Ang points system ang i-aplay sa torneyo, samtang ang penalty shootout himuon lang inig sugod sa semifinal
round.
Mga ganting salapi ang ihatag ngadto sa mga mananaog. Ang kampiyon sa under-17 division makadawat og
P7,000, samtang ang second ug third placers makaangkon og P3,000 ug P2,000 matag usa.
Ang top three sa under-13 division mobulsa og P2,000, P1,500 ug P1,000.
Ang torneyo usa lamang sa mga dagkung kalihukan sa tinuig nga kapistahan sa Alcoy pahinungod sa ilang
mahal nga patrona Saint Rose of Lima. (BANAT NEWS)