CEBU, Philippines - Gihimakak ni Nonito “The Filipino Flash†Donaire ang unang nanggawas nga taho nga iyang tabangan ang iyang stable mate nga si Brandon “Bam Bam†Rios sa preparasyon niini alang sa sangka batok ni Manny Pacquiao sa Nobiyembre 24 didto sa Macau.
Si Donaire mikompirmar nga mag-ensayo siya sa Oxnard Gym ubos sa giya ni trainer Robert Garcia, apan iyang giklaro nga dili siya mutabang sa ensayo ni Rios isip respetar na usab sa kababayan nga si Pacquiao.
“I will help by staying out of the way of Brandon’s training,†matud pa ni Donaire sa boxingscene.com.
Si Donaire mubalik og ensayo alang sa gipangandaman niyang ‘come-back’ fight sa hinapos nga bahin ning tuiga og kini ang bugtong niyang hatagan sa iyang atensiyon ug dili ang pagtabang ni Rios.
Ang Mexican trainer Garcia una na usab nga miingon nga dili makig-sparring si Donaire ni Rios, apan muhatag kini og mga tips ug mga taktika nga magamit sa Mexican-American sa away batok ni Pacquiao. (BANAT PALARO)