CEBU, Philippines - Mibalik sa unang puwesto ang HLY-Friends human mo-iskor og 60-49 nga kadaugan batok sa AMBL sa nagpadayong Power Forty President’s Cup basketball tournament niadtong Martes didto sa Inayawan Sports Compex.
Sa sayo pa, gipakuratan sa Labarca Trading ang Akira sa iskor nga 56-53 alang sa ilang ikaduhang daog.
Gilumsan sab sa Water Market ang Park N’ Go Bakeshop sa iskor nga 68-59 aron makigtabla sa team standings sa ilang biktima nga adunay 3-3 win-loss records.
Si Wewe Cabrera maoy nangu sa 4-1 nga HLY-Friends sa iyang 19 puntos, samtang sila si Alex Mercado ug Julian midugang og 11 ug 10 puntos matag usa.
Ang AMBL nga nagsolo sa ikaduhang puwesto sa ilang 4-2 nga baraha, gipangulohan ni Robert Abasolo pinaagi sa iyang 16 puntos.
Sa laing bahin, sila si Joel Jaca ug Carding Vernaiz parehong mihabwa og 16 puntos aron pangulohan ang Water Market, samtang si Michael Arias mao usab ang nangu sa pilderong Park N' Go nga adunay 20 puntos, gisundan ni Al Misa pinaagi sa iyang 11 puntos.
Sa pikas bahin, si Tony Ungria miiskor og 16 puntos alang sa Labarca Trading, kinsa nagbitbit na karon og 2-4 nga baraha.
Silang Fernando Sumargo ug Jingjing Matulin nagkumboya og 28 puntos alang sa 1-5 nga Akira.
PUNTOS MATAG USA
Unang duwa:
HLY-Friends (60) - Cabrera 19, Mercado 11, Capala 10, Abarquez 7, Mabalcon 4, Abasolo 2, Atillo 2,
Manturillas 2
AMBL (49) - Abasolo 16, Fuentes 7, Gaviola 6, Flordeliza 6, Lim 4, Cabatas 4, Filosopo 2, Lawas 2,
Navares 2
Ikaduhang duwa:
Water Market (68) - Jaca 16, Vernaiz 16, Eleguin 7, Ozon 6, Dacalos 6, T. Navares 4, Lim 4, Tabar 3, E.
Navares 2, Sandal 2
Park ‘N Go (59) - Arias 20, Misa 11, Dayota 8, ejacto 7, G. Rama 4, Mosqueda 4, J. Rama 3, R. Rama 2.
Ikatulong duwa:
Labaraca Trading (56) - Ungria 16, Ebrado 9, Navares 9, Almojallas 8, Fuentes 4, Bughao 4, Yu 4, Villaner
2.
Akira (53) - Sumargo 15, Matulin 13, Labalan 7, Cabaluna 6, Sabejon 4, Labrada 2, Dela Rama 2, Cabrera
2, Magallon 2