CEBU, Philippines - Magtakus na ang MJDL Brokers ug Cebu International Port Users (CIPU) Warships alang sa Game-1 sa "best-of-three" finals series sa Cebu Customs Invitational basketball tournament 2013.
Ang duwa gitakda karong alas-8 sa gabii didto sa USC-North Campus gym sa General Maxilom Avenue, ning dakbayan.
Ang Game-2 himuon unya sa Hulyo 11, apan sa dili pa ang ilang duwa magsangka sa knockout match ang PhilHealth ug Bureau of Customs (BOC) Portmen ni Collector Bingo Matugas alang sa ikatulong puwesto.
Kun kinahanglan, ang Game-3 himuon sa Hulyo 16.
Unang nakakuha’g luna sa finals ang MJDL human sa ilang kulbahinam nga kadaugan batok sa PhilHealth, 70 -69, samtang ang CIPU mipukan sab sa Portmen 75-71 aron maangkon ang katapusan luna sa finals.