CEBU, Philippines - Gatosan ka Filipino stickfighters ang maghugop sa gikahinaman nga eskrima tournament karong tuiga dihang ang Mandaue City Sports Commission (MCSC) mo-host sa Doce Pares World Invitational Championship 2013.
Magtigi ang stickfighters sa luna sa national training pool alang 2014 World Eskrima Kali Arnis Championships didto sa Debrecen Hungary.
Makita sa kalibotanong torneyo nga gipaluyohan Mandaue City Government ang mga langyaw nga mga kompetitor gikan sa Reunion Island of France, United States, Saudi Arabia, Oman, United Kingdom, South Korea ug Australia.
"We are giving full support on this sport and martial art since this is ours. We want Mandaue City through the Sports Commission to spearhead the revival of local, national and international arnis tournaments," sumala pa ni Engr. Gaga Mendoza sa MCSC.
Mga koponan gikan sa armadong kusog sa Pilipinas -- Army, Air Force ug Navy ang gilauman nga mosalmot sa kompetisyon.
Ang mga koponan gikan sa Davao, General Santos City, Laguna, Muntinlupa ug sa Cebu, lakip na ang powerhouse Mandaue City ang mipadayag sa ilang partisipasyon. (BANAT NEWS)